Leago oktage ožžon eambbo gudni go don muhton doaluin? Dahje bálkkašumi? Dahjege fidnen fálaldaga ovtta alladássásaš sajádahkii? Nu, jus dát áššit leat mange láhkai buorit, de don berret leat movtta su hárrái; muhto jus bahá, de it dárbbaš váivašuvvat ahte ieš it leat ožžon oasi. Ane muittus dan, ahte jus it láhtte seamma láhkai nu mo earát, go ulbmil lea oažžut juoga juoidá mii earáid duohken lea, de it ánssáš seamma stuorra oasi das go earát. Mo dat lea vejolaš olbmui, guhte ii gopmohala soapmása ruovttu, juogadit seamma stuorra oasi ovtta earáin, guhte dahká dan? Naba ovtta earái, guhte ii goassege reŋgo dahje fála veahki, ovtta earáin gii dahká dan? Ja vel ovtta earái gii ii goassege rámit, ovtta earáin guhte dan dahká? Don leat duođai eahpevuoiggalaš ja agálaččat duhtameahttun jus don gáibidat dáid tiŋggaid nuvttá ja it mávsse dan hatti main dat vuvdojuvvojit,
Na, miison dat haddi lea buđehiin dán áigge? 20 ruvnno sehkii kánske? Jus de okta addá su 20-ruvnnoža ja oažžu olles buđetseahka, dastogo ieš it atte it ruvnnage ja itge oaččo iežat seahka, álefal dalle gátte ahte leat šaddan geafit go dat gii lea ožžon buđehiid. Gal sus leat su buđehat seammás go dus lea ain du 20-ruvnnoš maid it leat addán eret.
Seamma láhkai dat muđuige gártá eallimis. Leigo nu, ahte it lean bovdejuvvon soames olbmo doaluide? Dieđusge it; don it leat máksán guossoheaddjái dan hatti mainna dat vuovdá daid doaluid. Son vuovdá dan rámádusa ovddas; son vuovdá dan fuomášumi ovddas. Atte sutnje dáid mávssuid main dát áššit vuvdojuvvojit, jus dat lea du iežat miela mielde. Muhto jus háliidat sihke doalahit dan ovtta ja fidnet dan nuppi, de don leat jearggaheapme ja mielahuvvan.
Eaigo dus leat šat makkárge gálvvut daid doaluid sajis? Dieđusge lea; don it dárbbašan rábmot dan olbmo gean don it háliidan rámidit; dus ii lean baggu gillát su bálvaleaddjiid snoallama.